வரும் சட்டமன்றத் தேர்தலில் போட்டியிடும் வேட்பாளர்கள் தொடர்பாக அதிமுக பொதுச்செயலாளர் எடப்பாடி பழனிசாமி, மாவட்ட செயலாளர்களுடன் ஆலோசனை நடத்தினார்.
காணொளி காட்சி மூலம் நடைபெற்ற இந்தக் கூட்டத்தில் மாவட்ட செயலாளர்களுக்கு எடப்பாடி பழனிசாமி சில அறிவுரைகளையும்; ஆலோசனைகளையும் வழங்கினார்.
வேட்பாளர்கள் யார்..?
மாவட்ட செயலாளர்கள் மற்றும் முன்னணி நிர்வாகிகளுடன் நடந்த இந்த ஆலோசனைக் கூட்டத்தில், “வரும் தேர்தலுக்கான தகுதியான வேட்பாளர்கள் யார்.? யார்..? என்பதை மாவட்ட செயலாளர்கள் பரிசீலனை செய்ய வேண்டும் என்றும், அதற்கான பட்டியலை தயார் செய்ய வேண்டும் என இபிஎஸ் கூறியுள்ளார்.
தேர்தல் வெற்றிக்காக “பிளான் தயார் செய்ய” மாவட்டம் வாரியாக குழுக்களை அமைப்பது குறித்து இபிஎஸ் அறிவுரை வழங்கினார்.
மெகா கூட்டணி!
மேலும், ஜனவரி மாதத்துக்குள் மெகா கூட்டணி அமைக்க திட்டம் வகுக்கப்படுகிறதாகவும் எடப்பாடி பழனிசாமி ஆலோசனைக் கூட்டத்தில் பேசியுள்ளார்.
கடுமையாக விமர்சிக்க வேண்டாம்!
மேலும் இந்தக் கூட்டத்தில் அதிமுக நிர்வாகிகள் மாவட்ட செயலாளர்கள், கூட்டணி கட்சிகளான பாஜக நிர்வாகிகளுடன் இணக்கமாக செயல்பட வேண்டும் எனவும், திமுகவின் கூட்டணி கட்சிகளை தவிர்த்து, பிற கட்சிகளை கடுமையாக விமர்சிக்க வேண்டாம் எனவும் அறிவுரை வழங்கியதாக சொல்லப்படுகிறது.
