‘டிட்வா’ புயல் காரணமாக தமிழ்நாடு ஊரக திறனாய்வு தேர்வு தேதி டிசம்பர் 6-ம் தேதி நடைபெறும் என்று அரசு தேர்வுக்கள் இயக்ககம் அறிவித்துள்ளது.
2025-2026-ம் கல்வியாண்டுக்கான ஊரக திறனாய்வு தேர்வு நாளை (நவம்பர் 29) நடைபெறும் என்று தமிழ்நாடு அரசு தேர்வுகள் இயக்குநர் அலுவலகம் தெரிவிக்கப்பட்டிருந்தது. அரசு, அரசு உதவி, நகராட்சி மற்றும் டவுன்ஷிப் பள்ளிகளில் படிக்கும் ஊரக மாணவ, மாணவிகள் இதில் பங்கேற்கலாம் என்றும், ஒவ்வொரு மாவட்டத்திலிருந்தும் தேர்வில் தேர்ச்சி பெறும் 50 மாணவர்களுக்கும் 50 மாணவிகளுக்கும் தலா ரூ.1,000 பரிசுத் தொகை வழங்கப்படும் என்று அறிவித்திருந்தது.
இந்த நிலையில் ‘டிட்வா’ புயல் காரணமாக தமிழ்நாடு ஊரக திறனாய்வு தேர்வு தேதி மாற்றப்பட்டுள்ளது. இது தொடர்பாக அரசு தேர்வுக்கள் இயக்ககம் வெளியிட்டுள்ள அறிவிப்பில், வங்கக்கடலில் நிலவும் ‘டிட்வா’ புயல் காரணமாக 29.11.2025 அன்று நடைபெறுவதாக இருந்த தமிழ்நாடு ஊரகத் திறனாய்வுத் தேர்வு மாணவர்களின் நலன் கருதி 06.12.2025 (சனிக்கிழமை) அன்று நடைபெறும் என்று அறிவித்துள்ளது.
