டெல்லி கார் குண்டு வெடிப்பு சம்பவத்தில் உயிரிழந்தவர்களின் குடும்பத்தினருக்கு தலா 10 லட்ச ரூபாய் வழங்கப்படும் மாநில முதலமைச்சர் ரேகா குப்தா அறிவித்துள்ளார்.
டெல்லி செங்கோட்டை அருகே பரபரப்பான சாலையில நேற்று முன்தினம் காரில் குண்டு வெடித்ததில் 12 பேர் உயிரிழந்தனர். மேலும் 24 பேர் படுகாயமடைந்தனர். இந்த சம்பவம் நாடு முழுவதும் பெரும் அதிர்வலைகளை ஏற்படுத்தியது. இந்த சம்பவம் தற்கெொலை படைத் தாக்குதலா என்று போலீஸார் விசாரணை நடத்தி வருகின்றனர். இந்த சம்பவம் தொடர்பாக 6 டாக்டர்கள் கைது செய்யப்பட்டுள்ளனர். அவர்களிடம் தீவிர விசாரணை நடைபெற்று வருகிறது. இதற்கிடையே, செங்கோட்டை மூன்று நாட்கள் மூடப்படுவதாக அறிவிக்கப்பட்டுள்ளது.
இந்த நிலையில், கார் வெடிப்பு சம்பவத்தில் உயிரிழந்தவர்களில் குடும்பத்தினருக்கு தலா ரூ. 10 லட்சம் நிவாரணம் வழங்கப்படும் என்று டெல்லி முதலமைச்சர் ரேகா குப்தா தெரிவித்துள்ளார். மேலும், பலத்த காயமடைந்தவர்களுக்கு தலா ரூ. 5 லட்சமும், லேசான காயமடைந்தவர்களுக்கு தலா ரூ.2 லட்சமும் நிவாரணமாக வழங்கப்படும் என்றும் அவர் தெரிவித்துள்ளார்.
