பரபரப்பு…அதிமுக வேட்பாளர் பட்டியலை வெளியிட்ட எடப்பாடி பழனிசாமி!

கேரளாவில் நடைபெறும் உள்ளாட்சி தேர்தலில் போட்டியிடும் வேட்பாளர்கள் பட்டியலை அதிமுக பொதுச்செயலாளர் எடப்பாடி பழனிசாமி வெளியிட்டுள்ளார்.

தமிழ்நாட்டில் அடுத்த ஆண்டு துவக்கத்தில் சட்டமன்றத் தேர்தல் நடைபெற உள்ளது. இந்த தேர்தலுக்கான கூட்டணி வியூகம், பிரசாரம் குறித்து அனைத்து கட்சிகளும் தீவிரமாக தயாராகி வருகின்றன. இந்த நிலையில், கேரளாவில் டிசம்பர் 9 மற்றும் 11-ம் தேதி இரண்டு கட்டங்களாக உள்ளாட்சி தேர்தல் நடைபெற உள்ளது.

இந்த தேர்தலில் போட்டியிடும் வேட்பாளர்கள் பட்டியலை அதிமுக பொதுச்செயலாளர் எடப்பாடி பழனிசாமி வெளியிட்டுள்ளார். இது தொடர்பாக அவர் வெளியிட்டுள்ள அறிக்கையில்,” கேரள மாநிலத்தில் 9.12.2025, 11.12.2025 ஆகிய தேதிகளில் நடைபெற உள்ள, உள்ளாட்சி அமைப்புகளுக்கான தேர்தல்களில், அனைத்திந்திய அண்ணா திராவிட முன்னேற்றக் கழகத்தின் சார்பில், கீழ்க்காணும் பதவிகளுக்கு வேட்பாளர்களாக நிறுத்தப்படுகின்றனர்.

திருவனந்தபுரம் மாவட்டத்தில் உள்ள மாநகராட்சி 98-வது வார்டில் எஸ். வெங்கடேஷ்பாபு நெய்யாற்றிங்கரா சட்டமன்றத் தொகுதிக்குட்பட்ட நெய்யாற்றிங்கரா நகராட்சி 14வது வார்டில் கே.கலா, இடுக்கி மாவட்டம் தேவிகுளம் சட்டமன்றத் தொகுதி மறையூர் ஊராட்சி 3-வது வார்டில் சனில், 4-வது வார்டில் செல்வி கணேசன் ஆகியோர் போட்டியிடுகின்றனர்.

மூணார் ஊராட்சி 13-வது வார்டில் கே.பவுன்ராஜ், 18-வது வார்டில் பி.கே.முருகன், தேவிகுளம் ஊராட்சி 14-வது வார்டில் கே.முருகையா, 15-வது வார்டில் ஆர்.கிட்னம்மா, வட்டவடை ஊராட்சி 4-வது வார்டில் ஆர்.சத்தியா, சின்னகானல் ஊராட்சி 4-வது வார்டில் ஏ. உதயகுமார், 11-வது வார்டில் ஆர்.மல்லிகா, பீர்மேடு சட்டமன்றத் தொகுதி குமிழி ஊராட்சி 22-வது வார்டில் பி.எஸ்தர், பீர்மேடு ஊராட்சி 2-வது வார்டில் சி.எ.ம்.ஜாக்சன், இடுக்கி மாவட்ட ஊராட்சிக்கு 2-வது வார்டில் எம்.செல்லதுரை, 3-வது வார்டில் எஸ். துரைப்பாண்டி, பாலக்காடு மாவட்டம் சித்தூர் சட்டமன்றத் தொகுதிக்குட்பட்ட வடகரப்பதி ஊராட்சி 10-வது வார்டில் வல்சம்மா, 11-வது வார்டில் கே.கலாதரன், நெம்மாரா சட்டமன்றத் தொகுதி நெம்மாரா ஊராட்சி 2-வது வார்டில் என்.தேவதாஸ், 9-வது வார்டில் ஹெச்.லத்தீப், 22-வது வார்டில் ஏ.செல்வராஜ் ஆகியோர் போட்டியிடுகின்றனர்.

மன்னார்காடு சட்டமன்றத் தொகுதி அகழி ஊராட்சி 5-வது வார்டில் பழனி, 6-வது வார்டில் சுருதி, 12-வது வார்டில் எம்.தீபா, புதூர் ஊராட்சி 14-வது வார்டில் ஜெ. பிரின்சி, சோலையூர் ஊராட்சி 4-வது வார்டில் என். சுப்பிரமணியன் ஆகியோர் போட்டியிடுகின்றனர். கேரள மாநிலத்தில் பல்வேறு நிலைகளில் பணியாற்றி வரும் நிர்வாகிகளும், கழக உடன்பிறப்புகளும் ஒன்றிணைந்து, கழகத்தின் சார்பில் போட்டியிடும் வேட்பாளர்கள் வெற்றி பெற்றிடும் வகையில், சிறந்த முறையில் தேர்தல் பணிகளை ஆற்றிட வேண்டும்” என்று தெரிவித்துள்ளார்.