முன்னாள் அமைச்சர் செங்கோட்டையன் அதிமுகவில் இல்லை. அதனால் அவரது செயல்களுக்கு பதில் சொல்ல வேண்டிய அவசியமில்லை என்று அதிமுக பொதுச்செயலாளர் எடப்பாடி பழனிசாமி கூறியுள்ளார்.
அதிமுகவில் இருந்து நீக்கப்பட்ட முன்னாள் அமைச்சர் செங்கோட்டையன், பனையூரில் உள்ள தவெக அலுவலகத்தில் நடிகர் விஜய் தலைமையில் அக்கட்சியில் இணைந்துள்ளார். அவருடன் முன்னாள் எம்.பி சத்யபாமா உள்ளிட்ட 50-க்கும் மேற்பட்டோர் தவெகவில் இணைந்தனர். செங்கோட்டையனின் அரசியல் அனுபவரும், களப்பணியும் தமிழக வெற்றிக் கழகத்துக்கு உறுதுணையாக இருக்கும் என்று தவெக தலைவர் விஜய் கூறியுள்ளார்.
இந்த நிலையில், செங்கோட்டையன் தவெகவில் இணைந்தது குறித்தும், மற்றவர்கள் ஆளக்கூடாதா என செங்கோட்டையன் கூறியதற்கு மதுரையில் அதிமுக பொதுச்செயலாளர் எடப்பாடி பழனிசாமியிடம் செய்தியாளர்கள் வினா எழுப்பினர். அதற்கு, ” இது ஜனநாயக நாடு. யார் வேண்டுமானாலும் கருத்து சொல்லலாம். செங்கோட்டையன் அதிமுகவில் இல்லை; அதனால் அவரது செயல்ககுளுக்கு பதில் சொல்ல வேண்டிய அவசியமில்லை, அவரைப் பற்றி கருத்துச் சொல்வதற்கு ஒன்றும் இல்லை” என்று எடப்பாடி பழனிசாமி பதிலளித்துள்ளார்.
