புதுச்சேரியில் டிசம்பர் 5-ம் தேதி தவெக தலைவர் விஜய் ரோடு ஷோ நடத்துவதற்கு காவல்துறை அனுமதி மறுத்துள்ளது.
சட்டமன்றத் தேர்தலையொட்டி புதுச்சேரியில் டிசம்பர் 5-ம் தேதி விஜய் ரோடு ஷோ நடத்த தவெக சார்பில் காவல்துறையிடம் கடிதம் அளிக்கப்பட்டிருந்தது. கலாப்பேட்டை முதல் கண்ணியாக்கோயில் வரை அஜந்தா சிக்னல், உப்பலம், அரியங்குப்பம், தவளக்குப்பம், கிருமாம்பாக்கம் போன்ற இடங்களைத் தொடும் இந்த ரோடு ஷோவுக்கு அனுமதி வழங்க வேண்டும் என்று முதலமைச்சர் என். ரங்கசாமி மற்றும் போலீஸ் டிஜிபி சாலினி சிங்கிடம் தவெகவினர் மனு அளித்திருந்தனர். ஆனால், இந்த ரோடு ஷோ நடத்த காவல்துறை அனுமதி மறுத்துள்ளது.
விழுப்புரம், கடலூர், திருவண்ணாமலை மாவட்டங்களில் இருந்து மக்கள் அதிகளவில் திரண்டால் கரூர் போன்ற அசம்பாவிதம் ஏற்பட வாய்ப்புள்ளதாகக் கருதி, தவெகவுக்கு அனுமதி மறுக்கப்பட்டுள்ளதாக காவல்துறை தெரிவித்துள்ளது.
