இயக்குநர் ராஜகுமாரன் இயக்குநர்கள் பாலுமகேந்திரா, பாலச்சந்தர் குறித்து பேசிய விமர்சனங்களுக்கு ஏன் ‘தமிழ்நாடு திரைப்பட இயக்குநர்கள் சங்கம்’ எதிர்ப்பு தெரிவிக்கவில்லை என்று இயக்குநர் அமீர் கேள்வி எழுப்பி உள்ளார்.
ராஜகுமாரனின் சர்ச்சை:-
இயக்குனர் ராஜகுமாரன் தான் தற்போது சமூக வலைத்தளங்கள் டிரெண்டிங்கில் உள்ளார். காரணம், யூடிப் சேனல் ஒன்றுக்கு அவர் அளித்த நேர்காணல் தான்.
அதில், “இயக்குநர்கள் பாலுமகேந்திரா பாலச்சந்தர் குறித்து சர்ச்சைக்குரிய வகையில் அவர் கருத்து தெரிவித்துள்ளார். அதே சமயத்தில் நடிகர் கமல்ஹாசன் குறித்தும் அவர் விமர்சனம் செய்துள்ளார்.
இது பெரும் சர்ச்சையானது. இயக்குநர் ராஜகுமாரனுக்கு பல்வேறு தரப்பில் இருந்தும் கண்டனங்கள் எழுந்து வருகிறது.
ஆமீர் கேள்வி?
இந்நிலையில் அமீர் தனது வாட்ஸ்அப் ஸ்டேட்ஸில், “மகேந்திரன்” “பாலச்சந்தர்” போன்ற மாபெரும் திரைப் படைப்பாளிகளை, தொடர்ந்து பொது வெளியில் அவமரியாதை செய்பவர்களை கண்டிக்காமல் “தமிழ்நாடு திரைப்பட இயக்குநர்கள் சங்கம்” மௌனமாக இருப்பது ஏன்? என்று கேள்வி கேட்டு பதிவிட்டுள்ளார்.
இந்த ஸ்டேட்டஸ் யாருக்காக வைத்துள்ளார்? யார் கண்ணில் படுவதற்காக இதை வாட்ஸ்அப்-பில் வைத்துள்ளார்? என்பது கேள்விக்குறியாக உள்ளது.
